Qishloq xo‘jaligini raqamli transformatsiya qilish bo‘yicha FAO bilan qo’shma loyiha amalga oshiriladi

Manba: The DairyNews

2023 yil 27 fevral kuni O‘zbekiston Respublikasi Qishloq xo‘jaligi vazirligida vazir o‘rinbosari Qahramon Yuldashev boshchiligida vazirlik vakillari hamda Oziq-ovqat va qishloq xo‘jaligi tashkiloti (FAO)ning O‘zbekistondagi vakili o‘rinbosari Sherzod Umarov, FAO shtab-kvartirasi xodimi Sofi Trener, Tashkilotning Yevropa va Markaziy Osiyo uchun mintaqaviy vakolatxonasi mutaxassisi Valentina Yug o‘rtasida uchrashuv bo‘lib o‘tdi, xabar beradi The DairyNews Qishloq xo’jaligi vazirligi matbuot-xizmati ma’lumotlariga tayangan holda.

Uchrashuvda Qishloq xo‘jaligi vazirligi va FAOning “O‘zbekistonda qishloq xo‘jaligini raqamli transformatsiya qilish asoslarini tayyorlash” qo‘shma loyihasi muhokama qilindi.

Ushbu loyihaning maqsadi raqamli qishloq xo‘jaligini rag‘batlantirish va qishloq joylarida raqamli transformatsiyani tezlashtirish bo‘yicha umummilliy ko‘p tarmoqli harakat dasturini ishlab chiqish, shuningdek, raqamlashtirish sohasida fermerlarni qo‘llab-quvvatlashdan iborat.

Tomonlar kichik va oilaviy fermerlarning innovatsion agrobiznes amaliyotlaridagi salohiyati, resurslar, texnologiyalar, sarmoya va muqobil daromad olish imkoniyatlaridan foydalanish imkoniyatlarini muhokama qildilar.

Loyihaning maqsadlariga erishish uchun raqamli qishloq xo‘jaligi sohasida “Milliy konsepsiya va harakat dasturi” loyihasini ishlab chiqish taklif qilindi.

Bundan tashqari, ushbu loyiha bo‘yicha seminar 2023-yil 1-martda boshlanadi.